Pavel Durov sağlam qalmağın sirrini açıqlayıb

“Telegram”ın təsisçisi Pavel Durov sağlamlığı qorumağın yollarını şərh edib.

Paraqraf.com xəbər verir ki, bu barədə “Durovun Kodu” portalı məlumat yayıb.

Durov sağlamlığı qorumağa kömək edən əsas prinsipləri təqdim edib: ən azı səkkiz saat dərin yuxu, rasional qidalanma, müntəzəm fiziki fəallıq, stresi minimuma endirmək, habelə alkoqollu içkilərdən, siqaretdən və dərmanlardan imtina etmək.

“Telegram”ın yaradıcısı sosial şəbəkələrdə həm də fəal həyat tərzi ilə tanınır. O, müsahibələrində bildirib ki, həftədə 5-6 dəfə məşq edir, hər səhər 300 dəfə əyilib-qalxma hərəkəti edir.

Paraqraf.com