Gürcüstanda qəzaya uğramış Türkiyə təyyarəsinin qara qutularının araşdırılması həftəsonunda yekunlaşacaq

Gürcüstanda qəzaya uğramış Türkiyənin C-130 tipli hərbi təyyarəsinin qara qutularının araşdırılması bu həftənin sonuna başa çatacaq.

Paraqraf.com xəbər verir ki, bu barədə “Hürriyyət” məlumat yayıb.

Məlumatda bildirilir ki, iki qara qutudan birində pilotların öz aralarında və disperçer qülləsi ilə apardıqları danışıqlar, həmçinin qəza anına aid səs yazıları yer alır. İkinci qara qutuda təyyarənin sistemlərinə dair qeyd mexanizmləri araşdırılır.

Qəzanın səbəbinin tam aydınlaşdırılması üçün qara qutuların qeydə aldığı 180 parametr üzrə təhlil aparılır. Araşdırmanın həftəsonuna qədər yekunlaşdırılması gözlənilir.

Rəsmilər bildiriblər ki, təyyarənin qəzaya uğraması ilə bağlı bütün ehtimallar diqqətlə araşdırılır və bu mərhələdə fərziyyələrə və əsassız şayiələrə yer verilməməlidir.

Paraqraf.com