Yaponiya Çinlə münasibətlərin sabitləşməsinə çalışır

“Yaponiya hökuməti Çinlə münasibətləri konstruktivlik və sabitlik vəziyyətinə qayıtmasında maraqlıdır”.

Paraqraf.com “Kyodo” agentliyinə istinadən xəbər verir ki, bunu jurnalistlərə Yaponiyanın hakim Liberal Demokratik Partiyasının siyasi şurasının rəhbəri Takayuki Kobayaşi Çin Xarici İşlər Nazirliyinin öz vətəndaşlarına Yaponiyaya səfər etməməsi ilə bağlı xəbərdarlığını şərh edərkən deyib.

Yaponiya rəsmisi ümid edir ki, Baş nazir Sanae Takaiçinin Tayvanla bağlı şərhlərindən və Pekinin sərt cavabından sonra başlayan gərginliyi aradan qaldırmaq mümkündür.

“Biz baş verənlərə sakit yanaşmalıyıq. Yaponiya – Çin münasibətlərinin konstruktiv və sabit olması üçün dialoqu və səyləri davam etdirəcəyik”, – Kobayaşi bildirib.

Paraqraf.com