Uşakov Putin-Tramp görüşü barədə danışıb
Rusiya prezidentinin köməkçisi Yuri Uşakov bildirib ki, Vladimir Putin və Donald Trampın görüşü yaxın gələcəkdə baş tutmayacaq, lakin təmaslar davam edir.
Paraqraf.com “Kommersant” nəşrinə istinadən xəbər verir ki, Uşakov bu barədə jurnalist Pavel Zarubinə verdiyi müsahibədə bildirib.
O qeyd edib ki, tərəflər əvvəlcə Budapeştdə görüşmək barədə razılaşıblar, ancaq görüş müəyyən müddətə təxirə salınıb.
Uşakov, həmçinin Moskva və Vaşinqtonun Ankoricdə əldə edilmiş ilkin razılaşmalar əsasında Ukrayna nizamlanması ilə bağlı aktiv müzakirələr apardığını vurğulayıb.
O bu razılaşmaların qüvvədə qaldığını və ABŞ tərəfindən onların ləğv edildiyi barədə rəsmi bildiriş alınmadığını əlavə edib.
Paraqraf.com
