Yaxın dostu olan aktrisa ilə küsülülüyündən danışdı – Video
Türkiyəli aktrisa Birce Akalay yaxın dostu, bir sıra məşhur layihələrdə tərəf müqabili olan İbrahim Çelikkolu sosial şəbəkə hesabından silib.
Paraqraf.com Türkiyə mediasına istinadən xəbər verir ki, Çelikkol məsələ ilə bağlı jurnalistlərə açıqlama verib.
“Mənim heç kimlə küsülülüyüm yoxdur, çox şeyi də dilə gətirən biri deyiləm. Həyatımı da sosial media üzərindən qiymətləndirmirəm, həmçinin dostluqlarımı və münasibətlərimi də. Məni yaxından tanıyanlar çox yaxşı bilir ki, həyatda nə baş verirsə versin, münasibətlər bitsə də, çətin günlərdə onların yanında olmaq vacibdir. Mən də başda anası olmaqla vəkilinə və özünə zəng edən bir insan olmuşam. Amma canı sağ olsun, bunlar çox önəmli şeylər deyil”, – deyə aktyor söyləyib.
Qeyd edək ki, bir neçə gün öncə Türkiyədə narkotik istifadəsini təşviq etmək ittihamı ilə əməliyyat keçirilmiş, nəticədə 19 məşhur saxlanılmışdı. Aparılan narkotestlə bağlı nəticələrdə isə qanında narkotik maddə müəyyən edilənlərdən biri də aktrisa Birce Akalay olub.
Bu hadisədən sonra Akalay sosial mediada yaxın dostu İbrahim Çelikkol, eləcə də “Babil” serialında tərəf müqabilləri olan Aslı Enver və Nur Fettahoğlu kimi digər məşhurları izləmədən çıxarıb. Onun bu addımı atması həmin şəxslərin çətin günündə ona dəstək olmamaları ilə əlaqələndirilir.
