“Ulus” Fondu QHT-lərə Dövlət Dəstəyi Agentliyinin maliyyə yardımı ilə “Vətən Savaşçıları abidələri”-nin monitorinqi, tikiləsi abidələrin optimal stilizasiya olunması barədə təkliflərin hazırlanması” layihəsini icra etdi.
Layihə gedişində:
Ölkəmizdə Vətən savaşçıları adına tikilmiş abidələr (anım yerləri) monitorinq edildi;
Vətən savaşçılarına qoyulası abidələrin ideal səviyyədə layihələndirilməsi mövzusunda ixtisaslaşmış memar qurumları ilə müzakirələr edildi;
Abidə tikmək təşəbbüslərinin icrası üçün prosedur qaydalar öyrənildi;
Örnəklərin, ustad təkliflərinin, abidələrin layihələndilirlmə və tuikilmə prosedurunun, sənədləşdirmə qaydalarının bələdiyyələrə yayılması üçün yaddaş bukleti çap olundu.
Abidələrin uyğun dəyər səviyyəsində tikilməsi barədə tanışlayıcı, yönəldici və öyrədici xüsusda video-jurnal çəkildi.
Abidələrin ucaldılması ilə bağlı ekspertlər təklif etdilər ki:
Abidə yaşayış məskənindən döyüşə gedib şəhid və ya qazi olmuş bütün Vətən Savaşçılarının adına tikilməlidir.
Abidələr arxitektura və heykəltəraşlıq normativlərinə uyğun olmalıdlr.
Abidələr kəndin, şəhərin cazibəli yerində, gənclərin həmişə ziyarət etmələri üçün uyğun-ortalıq yerlərdə, parklarda tikilməlidir.
Abidə vətənə sevginin əzəmətini sərgiləyən, ehtiram duyğularına layiq obrazla tikilməlidir.
Abidə səssiz dili ilə döyüşün, qəhrəmanlığın, xilaskarlığın dramatizmini danışmalı, ziyarətçilərin duyğu və düşüncələrində qürurun həyacanını doğurmalıdır.
Abidə uyğun dövlət orqanında pasportlaşdırılmalı, inventarlaşdırılmalıdır.
Layihənin mövzusu ilə bağlı video-jurnal internetdə yayımlanacaq.
