15 oktyabr 2025-ci il tarixində Göyçay Rayon İcra Hakimiyyətinin başçısı tərəfindən Bığır kənd inzibati ərazi dairəsinə daxil olan Cırqurd kəndində vətəndaşlarla növbəti səyyar qəbul keçirilmişdir.
Qəbulda rayon İcra Hakimiyyətinin başçısı Natiq Ağayev, Dövlət Təhlükəsizlik Xidmətinin Göyçay rayon şöbəsinin rəisi, RİH başçısı aparatının məsul əməkdaşları, idarə, müəssisə və təşkilat rəhbərləri, həmçinin kənd sakinləri iştirak ediblər.
Tədbir zamanı Natiq Ağayev ölkəmizdə son illərdə sosial-iqtisadi sahədə əldə olunan nailiyyətlər, Göyçay rayonunda aparılan abadlıq və quruculuq işləri, eyni zamanda əhalinin sosial rifahının yaxşılaşdırılması istiqamətində görülən tədbirlər barədə geniş məlumat verib.
Rayon rəhbəri çıxışında vətəndaş məmnunluğunun artırılması və göstərilən xidmətlərin keyfiyyətinin yüksəldilməsi məqsədilə “Rəqəmsal İcra Hakimiyyəti” portalı (https://rih.gov.az) vasitəsilə onlayn müraciət etmək, təklif və rəylər bildirmək imkanlarının mövcud olduğunu sakinlərin diqqətinə çatdırıb.
Daha sonra Rayon İcra Hakimiyyəti başçısı aparatının Sənədlərlə və vətəndaşların müraciətləri ilə iş şöbəsinin məsləhətçisi Seymur Qasımov çıxış edərək, Cırqurd kəndində daha əvvəl keçirilmiş səyyar qəbul zamanı qaldırılan məsələlərin icra vəziyyəti barədə məlumat verib.
Bığır kənd inzibati ərazi dairəsi üzrə nümayəndə Hikmət Süleymanov isə çıxışında Cırqurd kəndinin sosial-iqtisadi vəziyyəti, əhali məşğulluğu və ərazidə görülən işlər barədə ətraflı məlumat təqdim edib.
Səyyar qəbul zamanı kənd sakinləri tərəfindən müxtəlif mövzularda müraciətlər səsləndirilib. Qaldırılan məsələlər diqqətlə dinlənilərək qeydiyyata alınıb və icrası nəzarətə götürülüb.
Sonda kənd sakinləri göstərilən diqqət və qayğıya görə ölkə Prezidentinə və rayon rəhbərliyinə dərin minnətdarlıqlarını ifadə ediblər.
Paraqraf.com
