Almaniya bu ölkəyə “Eurofighter” döyüş təyyarələrini göndərir

Almaniya NATO-nun şərq cinahını qorumaq məqsədilə Polşanın Malbork hərbi hava bazasında “Eurofighter” döyüş təyyarələri yerləşdirəcək.

Paraqraf.com xəbər verir ki, Almaniya Müdafiə Naziri Boris Pistorius Brüsseldə keçirilən NATO Müdafiə Nazirləri Toplantısında jurnalistlərə açıqlama verib.

Nazir Pistorius bildirib:

“Hazırda bir neçə Eurofighter təyyarəsi ilə Rumıniyanın Köstəncə şəhərindəyik. Gələcəkdə bir neçə “Eurofighter” ilə Polşanın Marburq şəhərində də olacağıq. Beləliklə, ittifaqın şərq sərhədində daha aktiv, daha görünən və daha güclü iştirak göstərəcəyik. Patrul uçuşları ilə şərq cinahının qorunmasına töhfə verəcəyik”.

Almaniyanın göndərəcəyi təyyarələr NATO-nun “Eastern Sentry” (Şərq Növbətçisi) əməliyyatı çərçivəsində fəaliyyət göstərəcək.

Bu əməliyyat sentyabr ayında Rusiyaya məxsus pilotsuz uçuş aparatlarının Polşa hava məkanını pozmasına cavab olaraq başladılıb.

Polşadakı yeni missiya dekabr ayında başlayacaq və 2026-cı ilin mart ayına qədər davam edəcək.

Almaniya ilə yanaşı Fransa, İngiltərə, Çexiya və Danimarka da “Eastern Sentry” əməliyyatına qatılır.

Almaniya daha əvvəl Rostock-Laage hava bazasından Polşadakı qoruyucu uçuşlara dörd ədəd Eurofighter döyüş təyyarəsi ilə dəstək vermişdi.

 

Paraqraf.com