Kadırov müsabiqə elan edib: 10 ədəd “iPhone 17” bağışlayacaq

Çeçenistan rəhbəri Ramzan Kadırov müsabiqə elan edib.

Paraqraf.com xəbər verir ki, bu barədə Kadırov öz “Telegram” kanalında yazıb.

O bildirib ki, 500 rublluq yeni əsginasda “Qroznı-Siti” kompleksinin təsvirini dəstəkləyənlər arasında 10 ədəd “iPhone 17” mobil telefonu oynanılacaq.

“Bu gün Qroznı şəhərini və Çeçenistan Respublikasını sevən hər bir kəsin dəstəyi çox vacibdir”, – deyə o vurğulayıb.

İştirak etmək üçün dörd platformada “Qroznı-Siti”yə səs vermək və skrinşotları sosial şəbəkələrdə paylaşmaq lazımdır.

Yeni əsginasdakı simvollar üçün səsvermədə “Qroznı-Siti” və Elbrus dağı liderlik edir. Bu variantların hər birinə artıq 700 mindən çox səs verilib. Kadırov müsabiqəni elan edən vaxt Elbrus dağı 12 mindən çox səslə irəlidə olub.

Paraqraf.com