Sumqayıtda yenə avtobus yandı
Sumqayıtda daha bir avtobus yanğın təhlükəsi ilə üzləşib
Paraqraf.com-a daxil olan məlumata görə, 2 nömrəli avtobusda bu gün də belə hal yaşanıb.
Sərnişinlərin sözlərinə əsasən, avtobusun arxa hissəsindən tüstü gəlməyə başlayıb.
“Arxa oturacaqdan tüstü gəlməyə başladı, deyəsən kabellər yanırdı. Sürücü Büllur şadlıq evinin qarşısındakı dayanacaqda saxladı, biz də endik. Növbəti 2 nömrəli avtobusa mindik. Avtobusdakı baş verən yanğını da sürücü özü söndürdü”,- deyə sərnişinlərdən biri bildirib.
Vətəndaşlar aidiyyəti qurumlardan avtobuslara baxış keçirilməsini tələb edirlər.
Həsən Təbriz
Paraqraf.com
