Tramp şərtləri sərtləşdirir: ABŞ-İran müqaviləsi sual altındadır

Ağ Ev lideri Donald Trampın şərtlərinin sərtləşdirilməsini tələb etməsindən sonra, demək olar ki, imzalanmağa hazır hesab edilən ABŞ-İran müqaviləsi yenidən sual altında qalıb.

Paraqraf.com xəbər verir ki, bu barədə “Axios” və “The New York Times” qəzetləri Amerika rəsmilərinə istinadən məlumat yayıb. Qeyd olunub ki, sənədin yenilənmiş versiyası artıq İran hakimiyyət orqanlarına göndərilib.

“Axios” qeyd edib ki, Situasiya Otağında keçirilən görüşdən sonra Tramp İranın nüvə proqramı, xüsusən də zənginləşdirilmiş uran ehtiyatlarının taleyi, onların köçürülmə vaxtı və yoxlama mexanizmləri ilə bağlı daha çox konkretlik tələb edib.

 

Paraqraf.com