Qaranlıqda telefondan istifadə gözlərin yorulmasına səbəb olmaqla yanaşı, zamanla görmə problemlərini də dərinləşdirə bilər. Xüsusilə gənclər arasında yuxu rejiminin pozulması riski narahatlıq doğurur. Mütəxəssislər gecə saatlarında ekran vaxtının məhdudlaşdırılmasının vacibliyini vurğulayırlar.
Paraqraf.com xəbər verir ki, hazırda göz sağlamlığı üçün ən geniş yayılmış risklərdən biri gecə saatlarında telefondan istifadədir.
Oftalmoloq Dr. Akgün Sayar qaranlıq mühitdə smartfonlardan istifadənin göz sağlamlığına mənfi təsir göstərdiyini bildirib. Onun sözlərinə görə, gündəlik həyatda telefonlardan intensiv istifadə gözlər üçün ciddi risklər yaradır.
Həkim qeyd edib ki, işıqlar sönülü halda parlaq ekrana baxmaq gözlərin daha çox səy göstərməsinə səbəb olur. Qaranlıq mühitdə ekran işığına məruz qalan gözlər daim uyğunlaşmaq məcburiyyətində qalır ki, bu da göz yorğunluğunu artırır və uzunmüddətli perspektivdə miyopi riskini yüksəldə bilər.
Kəmalə Vəliyeva
Paraqraf.com
