Bu gün tariximizin ən qanlı səhifələrindən biri olan 31 Mart – Azərbaycanlıların Soyqırımı Günüdür. 1918-ci ilin baharında erməni-bolşevik dəstələri tərəfindən törədilən bu amansız faciə təkcə xalqımıza qarşı deyil, bütövlükdə bəşəriyyətə qarşı yönəlmiş ağır bir cinayətdir.
Bu kədərli tarix münasibətilə ictimaiyyət nümayəndələri Birinci Fəxri Xiyabanı ziyarət edərək şəhidlərimizin əziz xatirəsini ehtiramla yad ediblər. Ziyarətdə iştirak edənlər arasında:
Almaz Zeynalova – “Şəhid Ailələrinə Sosial Dəstək” İctimai Birliyinin sədri;
Günay Atayeva – “Şəhid Ailələrinə Sosial Dəstək” İctimai Birliyinin mətbuat xidmətinin rəhbəri;
Əliheydər Dəmirli – Xəzər rayon təşkilatının sədri;
Kifayət Niftəliyeva – “Qadın Dünyası” İctimai Birliyinin sədri;
Dünyaxanım Əliyeva – “Dünya Ana və Uşaqlar” İctimai Birliyinin sədri.
Ziyarət zamanı qeyd olunub ki, son iki yüz il ərzində Azərbaycan xalqı ağır faciələrlə üzləşsə də, milli iradəsini və məğrurluğunu qoruyub saxlamışdır. Şəhidlərimizin qanı bahasına qazanılan azadlığımız və tariximizin acı dərsləri heç zaman unudulmayacaq.
Allah bütün şəhidlərimizə rəhmət eləsin!
Günay Atayeva
Paraqraf.com
