Sosial şəbəkələrin cəmiyyətə təsiri: informasiya bolluğu, yoxsa informasiya xaosu?

XXI əsrin ən böyük kəşflərindən biri də sosial şəbəkələrdir. Onlar həyatımızın ayrılmaz hissəsinə çevrilib. Lakin bu dəyişiklik həm müsbət, həm də mənfi tərəfləri ilə diqqət çəkir. Sosial media insanlara informasiya bolluğu təqdim etsə də, bəzən bu bolluq informasiya xaosuna çevrilir.

Sosial şəbəkələr sayəsində xəbərlərə, elmi araşdırmalara, mədəniyyət və incəsənət nümunələrinə bir neçə kliklə çatmaq mümkündür. Dünya ilə əlaqəmiz sürətlənib, cəmiyyətin məlumatlılığı artıb və insanların qərar vermə prosesi asanlaşıb.

Lakin mənfi tərəf də var. Sosial şəbəkələrdə yayılan məlumatın doğruluğu çox vaxt şübhə altındadır. Fırıldaqçılar, yanlış xəbərlər insanlar həqiqət və yalan arasında fərqi görməkdə çətinlik çəkir, nəticədə informasiya bolluğu xaosa çevrilir.

Belə bir situasiya xüsusilə gənc nəsil üçün problem yaradır. Tez-tez tələsik paylaşılan məlumatlar onların düşüncə tərzinə təsir edir, yanlış inancların formalaşmasına səbəb olur.

Yekunda demək olar ki, sosial media həm informasiya qaynağı, həm də informasiya xaosunun səbəbkarıdır. Əsas məsələ onun istifadəsində şüurlu olmaqdır. İnsanlar yalnız doğruluğu təsdiqlənmiş məlumatlara inanmalı, paylaşmadan əvvəl mənbələri yoxlamalıdır. Sosial şəbəkələrin cəmiyyətdə mühim rol oynaması şüurlu yanaşmadan asılıdır.

İnformasiyanın bolluğu müsbət bir gücdür, lakin onu idarə edə bilmədikdə xaosa çevrilir. Biz seçməliyik: informasiya ilə zəngin bir cəmiyyət olmaq, yoxsa məlumat dənizində itib, yanlış yönləndirmələrə tabe olmaq.

 

M.Mehdiyeva

Paraqraf.com