27 Sentyabr – Anım Günü münasibətilə Vətənimizin bütövlüyü və torpaqlarımızın azadlığı uğrunda canından keçən şəhidlərimizi dərin ehtiram və minnətdarlıq hissi ilə yad edirik.
Şəhidlərimizin müqəddəs xatirəsi xalqımızın yaddaşında daim yaşayacaq. Vətən uğrunda böyük fədakarlıq göstərən qazilərimizə dərin hörmətimizi bildirir, şəhid ailələrinə ehtiram və minnətdarlığımızı çatdırırıq.
Şəhidlərimizin bizə əmanət etdiyi dəyərlərin gələcək nəsillərə çatdırılmasında təhsilin xüsusi rolu var. Bilikli, savadlı, peşəkar və vətənpərvər gənc nəslin yetişdirilməsi Azərbaycanın gələcəyinə verilən mühüm töhfələrdəndir.
Bu istiqamətdə Koalisiya Events Production tərəfindən təşkil olunan onlayn və əyani təlimlər iştirakçıların yeni bilik və bacarıqlar əldə etməsinə, şəxsi və peşəkar inkişafına dəstək göstərməyi hədəfləyir. Dərya Group olaraq isə təhsilin və davamlı inkişafın cəmiyyətin tərəqqisində mühüm rol oynadığına inanır, bu təşəbbüsləri dəstəkləyirik.
İnanırıq ki, gələcək nəsillərin təhsilli, savadlı və milli dəyərlərə bağlı şəkildə yetişməsi şəhidlərimizin əziz xatirəsinə göstərilən ehtiramın ən mühüm ifadələrindən biridir.
Şəhidlərimizin ruhu şad olsun!
Qazilərimizə möhkəm cansağlığı, şəhid ailələrinə səbir və ehtiram arzulayırıq.
