İran son iki həftədə 50 milyon barel neft ixrac edib

ABŞ tətbiq etdiyi blokadanı götürdükdən sonra İran son iki həftə ərzində 50 milyon barel neft ixrac edib.

Paraqraf.com xəbər verir ki, məlumatı İran KİV-i yayıb.

Məlumata görə, İslam Respublikası son iki həftədə 50 milyon barel neft ixrac edib ki, ondan gələn gəlir təxminən 3,5 milyard dollar təşkil edib. Başqa sözlə, İran xam neftin satışından gündə orta hesabla 233 milyon dollardan çox qazanır.

Blokada ABŞ və İran tərəfindən iyunun 17-də imzalanmış Qarşılıqlı anlaşma memorandumuna uyğun olaraq aradan qaldırılıb. Ştatların Maliyyə Nazirliyi İslam Respublikasına neft hasilatı, satışı üçün avqustun 21-dək 60 günlük icazə verib.

 

Paraqraf.com