Alimlər Günəşdə partlayış aktivliyinin tam şəkildə sabitləşəcəyini proqnozlaşdırırlar.
Paraqraf.com xəbər verir ki, bu barədə Rusiya Elmlər Akademiyasının Kosmik Tədqiqatlar İnstitutunun Günəş Astronomiyası Laboratoriyası öz “Telegram” kanalında məlumat verib.
“Geomaqnit vəziyyət sakitdir, sadəcə az da olsa, zəif dalğalanmaların baş vermə ehtimalı var. Partlayış aktivliyi tam stabilləşməyə doğru gedir”, – deyə məlumatda bildirilib.
Xatırladaq ki, daha əvvəl M sinfinə məxsus partlayış qeydə alınıb.
Qeyd edək ki, Günəşdə partlayışlar rentgen şüalanmasının gücündən asılı olaraq beş sinfə bölünür: A, B, C, M və X. Minimum A0.0 sinfi Yerin orbitində bir kv.m-ə 10 nVt şüalanma gücünə uyğundur. Növbəti mərhələyə keçərkən güc 10 dəfə artır. Partlayışlar, adətən Günəş plazmasının emissiyaları ilə müşayiət olunur ki, onların buludları Yerə çataraq maqnit qasırğaları yarada bilər.
Paraqraf.com
