NATO-nun Baş katibi Mark Rütte Rusiyanın “MiQ-31” qırıcılarının uçuşuna blokun reaksiyası ilə bağlı mübahisə zamanı Estoniyanın Baş naziri Kristen Mixala səsini qaldırıb.
Paraqraf.com xəbər verir ki, bu barədə “Fox News” nəşri mənbələrə istinadən məlumat verib.
Üç avropalı rəsminin haqqında bəhs etdiyi insident Estoniyanın NATO müqaviləsinin 4-cü maddəsi üzrə məsləhətləşmələrə başlamasından sonra baş verib, hansı ki, bu maddə alyansa üzv dövlətlərə təhlükəsizlik təhdidlərinin kollektiv müzakirəsini nəzərdə tutur.
Qeyd edilir ki, Mark Rütte mümkün təhlükəsizlik təhlükəsi zamanı məsləhətləşmələr barədə alyansın 4-cü maddəsinin həddən artıq tətbiqinin yolverilməzliyindən danışıb. Daha əvvəl Estoniya Rusiya təyyarələri ilə insidentdən sonra buna müraciət etmişdi.
Alyansın baş katibi bu mexanizmdən həddən artıq istifadənin müqavilənin “gücünün zəifləməsinə” səbəb ola biləcəyi fikrini ifadə edib. Mark Rütte bu cür hadisələrə daha balanslı yanaşmanın olmasında israr edib.
“Mənbələrdən biri bildirib ki, o (Rütte – red.), hətta Mixala səsini qaldırıb və xəbərdarlıq edib ki, NATO həyəcan təbilini nə qədər tez-tez çaldığına diqqət yetirməlidir”, – deyə nəşr yazıb.
Paraqraf.com
