Azərbaycanın mobil rabitə gəlirləri mayda 10 % artıb

Bu ilin yanvar-may aylarında Azərbaycanda mobil telefon rabitəsi xidmətlərindən 519,7 milyon manat gəlir əldə edilib.

Paraqraf.com Dövlət Statistika Komitəsinə istinadən xəbər verir ki, bu, 2025-ci ilin eyni dövrü ilə müqayisədə 6 % çoxdur.

Təkcə mayda isə adıçəkilən xidmətlərdən 111 milyon manat gəlir əldə olunub ki, bu da 1 il əvvələ nisbətən 10 % çoxdur.

Xatırladaq ki, 2025-ci ildə Azərbaycanda mobil telefon rabitəsi xidmətlərindən 1 milyard 291 milyon manat gəlir əldə edilib. Bu, 2024-cü illə müqayisədə 4,5 % çoxdur.

 

Paraqraf.com