“Qarabağ”ın İdarə Heyətinin üzvü, Avropa Klublar Assosiasiyasının İcraiyyə Komitəsinin üzvü Asif Əsgərov sosial şəbəkə hesabında FİFA və UEFA rəsmiləri ilə görüşündən fotolar paylaşıb.
Paraqraf.com xəbər verir ki, o, klubun prezidenti Tahir Gözəlin adından UEFA baş katibinin müavini Corco Markettiyə “Qarabağ” forması hədiyyə etdiyini bildirib.
Əsgərov paylaşımında 2015-ci ildə Avropa Liqasında “İnter”ə qarşı keçirilən və klubun Avropa tarixində xüsusi yer tutan oyunu da xatırladığını qeyd edib.
O, həmçinin Elxan Məmmədovun vasitəçiliyi ilə FIFA prezidenti Canni İnfantino ilə görüşmək imkanı qazandığını vurğulayıb.
Paraqraf.com
