Paytaxt Bakı şəhərində artan əhali və nəqliyyat sıxlığı fonunda metro xətlərinin genişləndirilməsi uzun illərdir gündəmdə olan məsələlərdən biridir. Bakı Metropoliteni yeni stansiyaların tikintisi və xətlərin artırılması ilə bağlı müxtəlif layihələr həyata keçirsə də, prosesin gözlənildiyindən daha ləng getdiyi barədə fikirlər səslənir.
Nəqliyyat eksperti Eldəniz Cəfərov “Paraqraf.com”a bildirib ki, Bakı metropoliteni sovet dövründə tikilib və o dövrün standartlarına uyğunlaşdırılıb:
“Həmin dövrdə Bakıda əhali bu qədər böyük olmayıb. İndi isə əhali sayı da artıb, standartlar da, tələblər də dəyişir. Ona görə də Bakı metropoliteninin də müəyyən yenidən qurma işləri gedir. Metronun daha səmərəli işləməsi üçün yeni stansiya və depolar tikilməlidir. Bu geniş miqyaslı işdir. Bu proses hazırda davam edir. Metrodakı təmir-tikinti işləri Bakıda və ətraf ərazilərdə nəqliyyat infrastrukturunun təkmilləşdirilməsinə dair dövlət proqramı çərçivəsində həyata keçirilir”.
Kəmalə Vəliyeva
Paraqraf.com
