Alimlər dünyada nüvə müharibəsindən sağ çıxa biləcək yalnız iki ölkəni müəyyən ediblər:
Avstraliya və Yeni Zelandiya.
Paraqraf.com xəbər verir ki, bu barədə “Mirror” qəzetinin məlumatında bildirilir. Mütəxəssislər fəlakətli nəticələrə səbəb olacaq 12000 nüvə başlığının potensial buraxılışını modelləşdiriblər.
Onların hesablamalarına görə, planet əhalisinin yarısından azı, təxminən üç milyard insan ilkin partlayışlardan sağ çıxacaq. Lakin sağ qalanlar sonrakı nüvə qışı ilə qarşılaşacaqlar ki, bu da partlayışların özündən daha dəhşətli olacaq.
Nüvə apokalipsisi ssenariləri üzrə ekspert Enni Ceykobson qeyd edib ki, his və kül Günəşi bağlayacaq və onilliklər ərzində soyuq havaya səbəb olacaq. Bir çox ərazilər kənd təsərrüfatı üçün yararsız hala düşəcək və kütləvi aclığa səbəb olacaq.
Alimlər hesab edirlər ki, Avstraliya və Yeni Zelandiyanın nüvə müharibəsindən sağ çıxmasına imkan verən unikal amillər kombinasiyası var. Bunlara əsas nüvə güclərindən uzaqlıqları, az sayda nüvə hədəfləri və hətta həddindən artıq soyuqda belə qida yetişdirmək qabiliyyəti daxildir.
Daha əvvəl hərbi analitik və ABŞ-nin keçmiş kəşfiyyat zabiti Skott Ritter Strateji Silahların Azaldılması Müqaviləsinin (START) müddəti bitdikdən sonra ABŞ və Rusiya arasında nüvə müharibəsi ehtimalının artdığı barədə fikirlərini bildirmişdi.
