İdrak liseyində Daxili İşlər Nazirliyinin təşkilatçılığı ilə “Şagirdlərin təhlükəsizliyi və davranış qaydaları” mövzusunda maarifləndirici tədbir keçirilib.
Tədbirdə Binəqədi Rayon Polis İdarəsinin rəis müavini, polis mayoru Rasim Qocayev və Binəqədi RPİ-nin YYÇPİTB-nin baş inspektoru, polis mayoru Elnur Məmmədov iştirak ediblər. Görüşdə həmçinin liseyin rəhbərliyi və pedaqoji heyət də yer alıb.
Çıxışlarda şagirdlərin məktəb daxilində və məktəbdənkənar mühitdə təhlükəsiz davranış qaydalarına əməl etməsinin əhəmiyyəti vurğulanıb. Hüquqa zidd halların qarşısının alınması, zərərli vərdişlərdən uzaq durmaq, kibertəhlükəsizlik və ictimai məsuliyyət mövzularında şagirdlərə ətraflı məlumat verilib. Müəllimlər də suallar ünvanlayaraq səmimi və maarifləndirici müzakirədə fəal iştirak ediblər.
İdrak liseyi şagirdlərin təhlükəsizliyi və sağlam inkişafı istiqamətində dövlət qurumları ilə əməkdaşlığı önəmli hesab edir. Belə görüşlərin gənclərin hüquqi biliklərinin artırılmasına və məsuliyyətli vətəndaş kimi formalaşmasına mühüm töhfə verdiyi vurğulanıb.
