UEFA Çempionlar Liqasının pley-off mərhələsinin bütün cütləri müəyyənləşib.
Pley-off mərhələsinin oyunları fevralın 17-18-i və 24-25-də keçiriləcək.
Fevralın 27-də 1/8 final, 1/4 final və yarımfinal mərhələlərinin püşkü atılacaq.
Maraqlıdır, hansı komandanın qalib gəlmə ehtimalı daha yüksəkdir?
İdman jurnalisti Ağa Dadaşzadə “Paraqraf.com”a açıqlamasında bildirib ki, rəqiblər tam müəyyənləşməyincə əvvəlcədən proqnoz vermək çətindir:
“Çünki zəif hesab olunan komandalar belə güclü rəqibləri məğlub edə bilir. Buna görə də cavab oyununun sonuncu fiti səslənməyincə hansı komandanın qalib olacağını dəqiq demək mümkün deyil. Şifahi proqnoz vermək olar, lakin rəsmi nəticə fərqli ola bilər. Çünki bütün komandalar maraqlı oyun nümayiş etdirərək fərqli nəticə göstərə bilər”.
Ağa Dadaşzadə 1/4 final mərhələsindən də söz açıb:
“1/4 final mərhələsində sürpriz komandalar görə bilərik. “Qarabağ” “Nyukasl” səddini keçə bilər”.
İdman jurnalisti, həmçinin Nəriman Axundzadənin komandadan ayrılmasının təsirləri məsələsinə də toxunub:
“Nəriman Axundzadənin komandadan ayrılması müsbət haldır. Çünki komandada psixoloji gərginlik var idi. Nəriman hələ gəncdir, başqa komandalara, hətta Avropaya da transfer oluna bilər. Nəriman bu şansları hökmən dəyərləndirməlidir”.
Kəmalə Vəliyeva
Paraqraf.com
