Peşə təmayüllü siniflər arasında “Peşə sinfimizdən 1 foto” adlı müsabiqə elan olunub

Peşə təmayüllü siniflərdə təhsil alan şagirdlər üçün “Peşə sinfimizdən 1 foto” adlı müsabiqə elan edilib. Müsabiqənin keçirilməsində əsas məqsəd şagirdlərin yaradıcılıq bacarıqlarının üzə çıxarılması, praktiki biliklərinin inkişaf etdirilməsi, eləcə də ən uğurlu foto işlərinin seçilərək təqdim olunmasıdır.

Paraqraf.com xəbər verir ki, müsabiqəyə peşə siniflərində təhsil alan bütün şagirdlər qoşula bilərlər. İştirak üçün müəllifin təhsil aldığı peşə sinfində çəkilmiş bir foto materialın Facebook sosial şəbəkəsində müsabiqə postunun şərh bölməsində paylaşılması kifayətdir. Foto ilə yanaşı aşağıdakı məlumatların qeyd olunması tələb olunur:
Məktəb, sinif, ad və soyad.

Təqdim olunan fotolar JPG və ya PNG formatında olmalı, görüntü keyfiyyəti aydın və bulanıqsız olmalıdır. Qalib isə paylaşılan şərhlər arasında ən çox bəyənmə toplayan iştirakçı hesab ediləcək.

Müsabiqəyə müraciət üçün son tarix 16 fevral 2026-cı il müəyyən edilib.

Qeyd edək ki, müsabiqə şagirdlərin peşə təhsilinə marağının artırılması və yaradıcı düşüncə bacarıqlarının inkişaf etdirilməsi baxımından mühüm əhəmiyyət daşıyır.

Bütün iştirakçılara uğurlar arzu olunur!

Elçin Ağasıyev

Paraqraf.com