“Çelsi”dən ayrılan mütəxəssis sabiq klubuna qayıda bilər

İngiltərənin “Çelsi” komandasının sabiq baş məşqçisi Entso Mareska “Lester” klubuna qayıda bilər.

Paraqraf.com “Mirror” nəşrinə istinadən xəbər verir ki, “tülkülər” 45 yaşlı mütəxəssislə danışıqlara start verib.

İtaliyalı baş məşqçi 2023-cü ildən 2024-cü ilədək “Lester”də işdəyib. Komanda onun rəhbərliyi altında Çempionşipdə birinci yeri tutub və Premyer Liqaya vəsiqə qazanıb. “Lester” hazırda Çempionşipdə 16-cı sıradadır.

Xatırladaq ki, “Çelsi” yanvarın 1-də Mareska ilə yollarını ayırıb.

Paraqraf.com