“Tottenham Hotspur”un futbolçuları Randal Kolo Muani və Vilson Odober avtomobil qəzası keçiriblər. Hadisə yanvarın 27-si, komandanın Çempionlar Liqasının qrup mərhələsi üçün Almaniyaya səfəri zamanı baş verib.
Klubun baş məşqçisi Tomas Frank mətbuat konfransında bildirib ki, qəzanın səbəbi təkərin partlaması olub və bunun nəticəsində bir qədər gecikmə yaşanıb. “Qəzada olan oyunçuların hər birinin vəziyyəti yaxşıdır”, – deyə Frank qeyd edib.
Sosial mediada yayılan fotolara görə, Kolo Muaninin “Ferrari”si zədələnib, Odober isə komanda yoldaşına kömək etmək üçün öz avtomobili ilə dayanıb.
Hər iki oyunçu özlərini yaxşı hiss edir və plan üzrə Frankfurta yola düşəcəklər.
Qeyd edək ki, “Tottenham” bu gün saat 00:00-da Çempionlar Liqasının qrup mərhələsi çərçivəsində Frankfurt “Ayntraxt”ı ilə qarşılaşacaq./Milli.az/
