“Peşəkar müəllim inkişafı üçün strategiyalar” mövzusunda onlayn vebinar keçiriləcək

26 dekabr 2025-ci il tarixində “Dərya Group”un təşkilatçılığı ilə “Peşəkar müəllim inkişafı üçün strategiyalar” mövzusunda onlayn vebinar keçiriləcək. Tədbir saat 21:00-da Zoom platforması üzərindən canlı yayımla baş tutacaq.

Vebinarın əsas məqsədi müəllimlərin peşəkar inkişafının gücləndirilməsi, müasir təhsil çağırışlarına uyğun strateji yanaşmaların formalaşdırılması və pedaqoji fəaliyyətin keyfiyyətinin artırılmasıdır. Tədbir xüsusilə təhsil sahəsində çalışan müəllimlər, məktəb rəhbərləri və pedaqoji ictimaiyyət üçün nəzərdə tutulub.

Onlayn vebinarın spikeri Milli Məclisin deputatı Ceyhun Məmmədov olacaq. O, çıxışı zamanı müəllim peşəsinin cəmiyyətdəki rolu, davamlı peşəkar inkişafın əhəmiyyəti, təhsil sistemində strateji düşüncə və müasir pedaqoji yanaşmalarla bağlı fikirlərini iştirakçılarla bölüşəcək.

Qeyd edək ki, “Dərya Group” müxtəlif sahələr üzrə maarifləndirici və inkişafyönümlü layihələrin həyata keçirilməsi ilə tanınır və bu vebinar da həmin fəaliyyətlərin davamı kimi təşkil olunur.

Əlavə məlumat və qeydiyyat üçün:

– Telefon: +994 99 307 09 11

– Instagram: @deryaa.group

Aytac Məhərrəmova

Paraqraf.com