ABŞ Prezidentinin xüsusi nümayəndəsi Avropa liderləri və Zelenski ilə görüşəcək

ABŞ Prezidentinin xüsusi nümayəndəsi Stiven Uitkoff bu həftəsonu Berlində Avropa liderləri və Ukrayna Prezidenti Volodimir Zelenski ilə görüşəcək.

Paraqraf.com xəbər verir ki, bu barədə “The Wall Street Journal” özəl mənbələrinə istinadən məlumat yayıb.

Qeyd edilir ki, Ağ Ev rəsmisi dekabrın 14-15-də Böyük Britaniya, Almaniya və Fransadan olan nümayəndələrlə müzakirə aparacaq.

Nəşr qeyd edir ki, Uitkoffu Berlinə göndərmək qərarı ABŞ Administrasiyasının Vaşinqton və Kiyev arasında sülh müqaviləsinin şərtləri ilə bağlı fikir ayrılıqlarını aradan qaldırmaq istəyini nümayiş etdirir.

Görüşlərdə Fransa Prezidenti Emmanuel Makron, Böyük Britaniyanın Baş naziri Kir Starmer və Almaniya Kansleri Fridrix Merts və onların müşavirlərinin iştirakı gözlənilir.

Xəbərdə o da vurğulanıb ki, daha əvvəl Avropa liderləri ABŞ-nin sülh planı ilə bağlı müzakirələri Trampın özü ilə aparmaq istəyirdilər.

Paraqraf.com