İran Prezidenti Məsud Pezaşkian ABŞ donanmasının Karib hövzəsinə yerləşdirilməsinin qlobal sülhü təhdid etdiyini bildirib
Paraqraf.com xəbər verir ki, bu barədə İran Rəyasət Heyəti məlumat yayıb.
Prezident Pezeşkian və Venesuela Prezidenti Nikolas Maduro telefon danışığı zamanı Karib regionunda baş verən son hadisələri müzakirə ediblər.
Görüşdə iki ölkə arasında strateji əməkdaşlıq vurğulanıb, ABŞ-nin hərbi gəmisinin Karib dənizi və Venesuela sahillərinə yerləşdirilməsi tənqid edilib.
Pezeşkian ABŞ-nin bu addımını “beynəlxalq qaydalara zidd və qlobal sülhə təhdid” adlandırıb və İranın Venesuelanın müstəqilliyi və sabitliyinə dəstəyini təkrarlayıb.
Venesuela Prezidenti Maduro İranın davamlı dəstəyindən məmnunluğunu bildirib. O, iki ölkə arasında möhkəm əlaqələrin vacibliyini vurğulayıb.
Kəmalə Vəliyeva
Paraqraf.com
