Son onilliklərdə Xəzər dənizinin səviyyəsinin enməsi region ölkələrinin diqqət mərkəzində olan mühüm ekoloji problemlərdən birinə çevrilib. Dəniz səviyyəsinin azalması burada yaşayan əhali üçün ciddi çətinliklər yaradır.
Ekoloq Rövşən Abbasov “Paraqraf.com”a açıqlamasında bildirib ki, Xəzər dənizi böyük hövzəyə malik göldür:
“Volqa, Kür, Ural və Terek kimi iri çayların hövzələri Xəzər hövzəsinin bir hissəsini təşkil edir. Bu hövzələrdə uzun illər ərzində aparılan yanlış idarəçilik nəticəsində sudan istifadə artıb. Bunun nəticəsində Xəzər dənizinə daxil olan suyun miqdarı azalır. Bu yanlış idarəçilik Volqa hövzəsində su anbarlarının tikintisinə, suya dayanıqlı iqtisadi kənd təsərrüfatının daha çox inkişafına və suya tələbatın artırılmasına əsaslanır. Ümumi sahəsi 30 min kvadrat kilometrə çatan su anbarları mövcuddur və həmin anbarlardan buxarlanan su Xəzərə daxil olan suların itirilməsinə səbəb olur”.
O əlavə edib ki, Volqanın aşağı hissəsində əkinçiliyin daha da genişlənməsi də çayın suyunu azaldır:
“Oxşar proses Kür çayında da müşahidə olunur. Bu problemdə iqlim dəyişikliyinin də böyük rolu var. İqlim dəyişməsi səbəbindən Xəzərin səthindən buxarlanma artıb. Bütün bunlar Xəzər dənizinin su balansını pozur”.
Kəmalə Vəliyeva
Paraqraf.com
