Hindistanda beş yaşlı qız dayısı və xalası tərəfindən oğurlanaraq satılıb

Hindistanda valideynlərinin qohumları tərəfindən oğurlanan qız uşağı ailəsinə qaytarılıb.

Paraqraf.com bu barədə NDTV telekanalına istinadən xəbər verir.

Hadisə Mumbay şəhərində baş verib. İstintaq məlumatlarına görə, beş yaşlı qız dayısı və xalası tərəfindən oğurlanaraq, 90 min rupi (təxminən 1 700 manat – red.) qarşılığında yad adamlara satılıb.

Daha sonra alıcılar onu iki dəfə baha qiymətə yenidən satıblar.

Bu məlumat yayılandan sonra polis operativ istintaqa başlayıb. Nəticədə, insan alverində iştirak edən beş nəfər saxlanılıb. Yetkinlik yaşına çatmayan qız xilas edilib və anasına təhvil verilib.

Paraqraf.com