ABŞ Prezidenti Donald Tramp ABŞ-yə sığınacaq üçün gəlmiş bütün miqrantları ölkədən çıxaracağını vəd edib.
Psraqraf.com RBK-ya istinadən xəbər verir ki, bunu ABŞ lideri Şükran Günü münasibətilə keçirilmiş mətbuat konfransında bəyan edib.
“Söhbət sığınacaqdan gedir, onlar uçub gələndə, hər nə qədər də onları çıxarmaq istəsəniz, bunu etmək çox çətindir. Lakin biz onların hamısını çıxaracağıq”, – deyə prezident bildirib.
Tramp ABŞ-nin ölkəyə gəlib burada qalan insanlara nəzarət etdiyini vurğulayıb.
“Əslində, onlar bizə lazım deyil”, – deyə Tramp bildirib və əlavə edib ki, əcnəbilər qanunsuz gəlirlər, amma onlara öz ölkələrində də ehtiyac yoxdur.
Respublikaçı prezidentin bəyanatı noyabrın 27-də Ağ Evin yaxınlığında baş vermiş silahlı insident fonunda səslənib. Atışma nəticəsində Milli Qvardiyanın iki əməkdaşı yaralanıb, ertəsi günü onlardan biri aldığı yaralardan vəfat edib. Atəş açan şəxs saxlanılıb. Federal Təhlükəsizlik Bürosunun məlumatına görə, o, 2021-ci ildə sığınacaq üçün ABŞ-yə mühacirət etmiş əfqanıstanlıdır.
Paraqraf.com
