Aralıq dənizində, İtaliya sahillərində genişmiqyaslı “Neptune Strike” təlimləri başlayıb. Manevrlərdə ABŞ, Böyük Britaniya, Yunanıstan, Polşa və Türkiyə daxil olmaqla NATO-nun doqquz ölkəsi iştirak edir.
Paraqraf.com xəbər verir ki, bu barədə ABŞ-nin CBS telekanalı məlumat verib.
Bildirilir ki, təlimlərin əsas məqsədi Rusiya ilə hipotetik münaqişə baş verəcəyi təqdirdə əks-zərbə ssenarilərinin məşq edilməsidir. Manevrlərdə hərbçilər NATO-nun şərq cinahında, Rusiyanın yaxınlığındakı təlim poliqonlarına uzaq məsafədən zərbələr endirilməsinə xüsusi diqqət yetirəcəklər.
NATO-nun Avropadakı Birləşmiş Silahlı Qüvvələrinin baş komandanı, amerikalı general Aleksus Qrinkviç telekanala müsahibəsində bildirib ki, alyans 2027-ci ilə qədər həm Rusiya, həm də Çinlə qarşıdurmaya hazır olmalıdır, lakin o, belə münaqişələri labüd hesab etmir.
Paraqraf.com
