Xaçmaz rayon Şəmsəddin Sədiyev adına Qımılqışlaq tam orta ümumtəhsil məktəbinin ixtisas müəllimi Elçin Ağasıyev pedaqoji fəaliyyəti ilə yanaşı, bir neçə sahədə paralel inkişafı ilə diqqət çəkir. O, həm məşqçi, həm aşpaz, həm də həvəskar müğənni kimi fəaliyyət göstərərək geniş yaradıcılıq potensialını ortaya qoyur.
Gənc müəllim bildirir ki, bütün bu sahələrdə topladığı təcrübə onun gələcək üçün böyük hədəflər formalaşdırmasına səbəb olub. Onun ən böyük arzusu bu fəaliyyətlərin vəhdətini yaradaraq mükəmməl bir layihə qurmaq və uğurlu bir iş adamına çevrilməkdir.
Elçin Ağasıyev hazırda öz bacarıqlarını daha da inkişaf etdirmək və gələcək biznes layihəsi üçün möhkəm baza yaratmaq üzərində çalışır. O, gənclərə çoxşaxəli inkişafın mümkünlüyünü göstərən nümunə kimi dəyərləndirilir.
