“Neftçi” Peşəkar Futbol Klubu “Uşaq Hüquqları Aylığı”na dəstək verib
Azərbaycan Respublikasının İnsan Hüquqları üzrə Müvəkkilinin (Ombudsmanın) təşəbbüsü ilə elan edilmiş “Uşaq Hüquqları Aylığı”na ölkəmizin tanınmış futbol klublarından olan “Neftçi” Peşəkar Futbol Klubu qoşulub.
Aylıq çərçivəsində “Neftçi” Peşəkar Futbol Klubu (PFK) Ombudsman Aparatı və “Ümid Yeri” Uşaq Sığınacağı ilə əməkdaşlıqda uşaqların hüquqlarının təmininə öz töhfəsini verib.
2025-ci il 1 noyabr tarixində keçirilən “Neftçi” PFK – “Kəpəz” oyunu zamanı futbolçular uşaqlar tərəfindən nömrələri rənglənmiş və əl işlərinin təsvir olunduğu xüsusi formalarla meydana çıxıb.
Oyun zamanı “Neftçi” PFK və uşaqların iştirakı ilə “Hər bir uşağın xoşbəxt gələcəyi naminə həmrəy olaq!” şüarını əks etdirən plakatla cəmiyyətin diqqəti uşaq hüquqlarının qorunmasının əhəmiyyətinə yönəldilərək çağırış edilib. “Neftçi” PFK tərəfindən birgə əməkdaşlığın rəmzi kimi Ombudsman təsisatına xatirə hədiyyəsi təqdim edilib.
İdmançıların, müxtəlif idman növlərinin təmsilçilərin bu Aylığa qoşulması təşəbbüsünü dəstəkləyir və hər kəsi Aylığa qoşulmağa dəvət edirik.
Qeyd edək ki, Ombudsman tərəfindən uşaq hüquqlarının müdafiəsi və təbliği daim diqqət mərkəzində saxlanılır və aylığa dəstək verən qurumlara təşəkkür edərək uşaqların hüquqlarının daha səmərəli təmininə xidmət edən hər bir təşəbbüsün əhəmiyyətini bir daha vurğulayırıq.
