“Hökümət 3 pilləli rejimlə maaşları, vergiləri bərpa edir”

Azərbaycanın vergi sistemində gələn illərdən mühüm dəyişikliklər gözlənilir. Qeyri-dövlət sektorunda çalışan və neft-qaz sahəsinə aid olmayan işçilərin muzdlu gəlirlərinə tətbiq edilən vergi dərəcələri mərhələli şəkildə artacaq.

Hazırkı vəziyyət (2025):
İşçilərin əmək haqqısından əlavə olaraq:

DSMF ayırmaları: 6 AZN + 10% ( 200 AZN-dən çox maaş üçün)

İşsizlik sığortası: 0.5%

İcbari tibbi sığorta: 2%

 

Mövzu ilə bağlı iqtisadçı Xalid Kərimli “Paraqraf.com”a açıqlamasında bildirib ki, 2026-cı ilin yanvarın 1-dən gəlir vergisi ilə əlaqədar qeyri-dövlət, özəl sektorlarda çalışanlar üçün vergi güzəştinin müddəti bitir:

“Lakin hökümət bütün vergiləri işləyən şəxslərin üzərinə qoymur, bunu hissə-hissə həyata keçirir. 2026-cı ilin yanvarın 1-dən vətəndaşın maaşı 2500 manatdırsa, ondan 3% vergi tutulacaq. Yəni 2500 manatadək olan hissədən cəmi 175 manat vergi tutulacaq. 2500 manatdan-8000 manata qədər olan hissədən isə 10%-i vergiyə cəlb olunacaq. 8000 manatdan çox maaş alan şəxslər üçün isə bu 14% olacaq. Bu, 2026-cı ildən başlayan 1 illik dövrü əhatə edir. 2027-ci ildən isə aşağı gəlir həddində olan şəxslər üçün vergi 2% artırılıb, 5% olacaq. 2028-ci ildə proses yekunlaşacaq. 2028-ci ildən işləyən şəxslər, 2500 manatadək olan gəlirin 7%-ni vergi verəcək və digər intervallar eyni səviyyədə olacaq. Hökümət 3 pilləli rejimlə vergini bərpa edir”.

Kəmalə Vəliyeva
Paraqraf.com