ABŞ Prezidenti Donald Tramp ukraynalı həmkarı Volodimir Zelenski ilə görüşündə Donbas ərazisinin Rusiyaya güzəşt gedilməsi məsələsini müzakirə etmədiyini bildirib.
Paraqraf.com xəbər verir ki, bu barədə məlumatı “Financial Times” yayıb.
Məlumatda deyilir: “Tramp bildirib ki, Donbas regionunun Rusiyaya güzəştə gedilməsi məsələsini Ukrayna ilə müzakirə etməyib”.
Qəzeti yazıb ki, Donald Tramp və Volodimir Zelenski arasında görüş gərginlik şəraitində keçib. Məlumata görə, Tramp ukraynalı həmkarı Volodimir Zelenskini Rusiyanın şərtlərini qəbul etməyə və sazişi imzalamağa çağıraraq bildirib ki, əks halda o, məhv olmaq riski ilə üzləşəcək.
Xatırladaq ki, ABŞ lideri Donald Tramp Ukrayna lideri Volodimir Zelenski ilə oktyabrın 18-də Ağ Evdə görüşüb.
Paraqraf.com
