İsti mövsümdən soyuq mövsümə keçid həmişə orqanizm üçün sınaq olur. Dəyişkən hava, temperatur dəyişiklikləri və immun sisteminə artan yük insanı xüsusilə həssas edir.
Paraqraf.com bu barədə “Quanmin jibao” nəşrinə istinadən xəbər verir.
Pekin Ənənəvi Çin Təbabəti Universiteti nəzdində xəstəxananın onkologiya şöbəsinin baş həkimi Çjen Syueçji orqanizmin müdafiə qüvvələrini necə gücləndirmək və soyuq mövsümü xəstəliksiz keçirmək barədə məlumat verib.
Onun sözlərinə görə, soyuq mövsümdə orqanizm aktiv stimulyasiyaya deyil, qayğıya ehtiyac duyur: “İstirahət rejiminə riayət etmək zəruridir: erkən yatmaq və Günəşin ilk şüaları ilə qalxmaq lazımdır. Tam yuxu güclü immunitetin təməlidir”.
Qidalanma baxımından mütəxəssis acı qidaları azaltmağı və turşulu qidaları artırmağı məsləhət görüb. Həkim, həmçinin armud, ağ göbələk, üzüm, nar və yemişan istifadə etməyi tövsiyə edib: “Onlar bu mövsüm üçün xarakterik olan dəri və boğaz quruluğu ilə mübarizədə kömək edirlər. Rasionda zülallar (balıq, yumurta, paxlalılar) və C vitamini və sinklə zəngin məhsullar da (kivi, qoz, xurma) olmalıdır”.
Paraqraf.com
