Yük maşını uçuruma yuvarlanıb: Ölənlər var
Pakistanın Svat bölgəsində yük maşınının uçuruma düşməsi nəticəsində 15 nəfər həyatını itirib, 8 nəfər yaralanıb.
Paraqraf.com xəbər verir ki, bu barədə “Geo News” telekanalı təhlükəsizlik mənbələrinə istinadən məlumat yayıb.
Bildirilib ki, bu gün Svat avtomobil yolunda hərəkətdə olan yük maşını hələlik müəyyən edilməyən səbəbdən yoldan çıxaraq uçuruma yuvarlanıb.
Təcili yardım qrupları, qəza nəticəsində əksəriyyəti uşaq olan 15 nəfərin həyatını itirdiyini, 8 nəfərin isə yaralandığını açıqlayıb.
Hazırda xəstəxanalara yerləşdirilən yaralılardan bəzilərinin vəziyyətinin ağır olduğu bildirilir.
