“Biz inanırıq və ermənilərin Ermənistana tam inteqrasiyasını, həyatlarını davam etdirmələrini təmin etmək üçün ciddi səylər göstəririk”.
Paraqraf.com xəbər verir ki, bunu Ermənistanın xarici işlər naziri Ararat Mirzoyan ATƏT-in fəaliyyətdə olan sədri, Finlandiyanın xarici işlər naziri Elina Valtonenlə birgə mətbuat konfransında deyib.
Bakının sülh sazişinin imzalanması ilə bağlı şərtləri ilə bağlı sualı cavablandıran nazir qeyd edib ki, bunlar ATƏT-in Minsk Qrupunun buraxılması və Konstitusiyaya dəyişiklik edilməsidir.
“Minsk Qrupu məsələsi mahiyyətcə həll olunub; siyasi həll var və texniki məsələlər dekabra kimi həll olunacaq. Konstitusiyaya gəlincə, qeyd etməyi zəruri hesab edirəm ki, əvvəlki kimi, belə bir məsələ gündəmdə deyil”, – Mirzoyan bildirib.
Nazir vurğulayıb ki, Konstitusiyaya dəyişiklik edilməsi və ya yenisinin qəbulu sırf daxili siyasi məsələdir və buna Ermənistan xalqı qərar verir.
“Mən təəccüblənirəm ki, bu qədər təminatdan sonra bu sual hələ də qaldırılır. Ermənistan Respublikası heç vaxt belə öhdəliklər götürməyib. Bu, daxili məsələdir. Bəli, Azərbaycan bunu davam etdirir və şərt kimi göstərir. Biz bu əlaqəni qəbul etmirik”, – nazir bildirib.
paraqraf.com
