Oktyabrın 9-da H.Abbasov adına Mədəniyyət Mərkəzində Üzeyir Hacıbəylinin anadan olmasının 140 illik yubileyi çərçivəsində Şəfəq Teatrının təqdimatında “Arşın mal alan” operettasının premyerası baş tutub.
Səhnə əsəri 8 nömrəli Uşaq Gənclər İnkişaf Mərkəzi, Mədəniyyət Mərkəzi və Şəfəq Teatrının birgə layihəsi olaraq hazırlanıb.
Tamaşanın quruluşu teatrın bədii rəhbəri Paşa Ağayevə məxsusdur bədii rəhbəri Şəfiqə Vəliyevaya aiddir.
Tamaşada Azərbaycanın Əməkdar artisti Firuzə İbadova Cahan xala obrazını canlandırıb.Rolları Paşa Ağayev, Leyli Məmmədsoy, Əli Zeynallı, Hökümə Ağayeva, Ayxan Hüseynov, Töhfə Vəliyeva, Hüseyn Quluzadə, Uğur Məmmədov, Xanım Zamanova və Zəhra Ataoğulova ifa ediblər.
Tamaşanı tanınmış mədəniyyət və elm xadimləri, ictimaiyyət nümayəndələri və teatrsevərlər böyük maraqla izləyiblər.
Qeyd edək ki, tamaşanı gələn ay teatrın repertuarında yenidən izləyə bilərsiniz.
Paraqraf.com
