Dişləri hər yeməkdən sonra fırçalamaq məsləhətdir, lakin bu mümkün olmadıqda, qidalanmanın ardınca müəyyən meyvələr, tərəvəzlər və ya giləmeyvələr qəbul etmək lazımdır.
Paraqraf.com xəbər verir ki, bu barədə ispaniyalı həkim Ester Qomes “20minutos” nəşrinə müsahibəsində bildirib.
Qomes ilk növbədə qidalanmanı alma ilə bitirməyi tövsiyə edib. “Bu meyvə diş ərpini və diş ətlərini təmizləyə bilir, hətta qəhvənin, rəngli içkilərin və tütünün dişlərə təsirini neytrallaşdırır”, – deyə o izah verib.
Bundan əlavə, həkim yeməkdən sonra kərəviz, yerkökü və ya çiyələk qəbulunu tövsiyə edib.
Sonuncuya metoda gəlincə, tərkibində dişləri ağardan böyük miqdarda alma turşusu və ərp yaradan bakteriyaları məhv edən təbii şirinləşdirici olan ksilitoldan istifadənin mümkünlüyü qeyd edilib.
