Bakı, 4 oktyabr 2025-ci il – Edu Forumun təşkilatçılığı ilə bu gün Müəllimlər Gününə həsr olunmuş böyük tədbir keçirilib. Tədbirə təhsil sahəsinin tanınmış ekspertləri, mütəxəssislər və gənc istedadlar qatıldılar. Tədbirin əsas məqsədi müəllimlərin cəmiyyətimizdəki rolunu vurğulamaq və onların əməyi ilə bağlı daha geniş ictimaiyyəti məlumatlandırmaq idi.
Tədbirin açılışında Ceyhun Məmmədov, Azərbaycanda təhsil sahəsindəki yeniliklər və inkişaflar barədə geniş məlumat verdi. Təhsil sahəsinin gələcəyi ilə bağlı öz fikirlərini iştirakçılarla bölüşən Məmmədov, həmçinin müəllimlərin peşəkar inkişafının əhəmiyyətinə toxundu.
Təhsil eksperti Elşən Qafarov çıxışında müasir təhsil sistemindəki çatışmazlıqlar və müəllimlərin üzləşdiyi çətinliklər barədə danışdı. O, həmçinin müəllimlərin inkişafı üçün daha çox dəstək və təlimlərə ehtiyac olduğunu vurğuladı.
Tədbirdə Valideyn-Müəllim Assosiasiyasının sədri Şahin Rəcəbov da öz fikirlərini bildirdi. Şahin Rəcəbov, müəllimlər və valideynlər arasında güclü əməkdaşlığın təhsilin keyfiyyətini artırmağında vacib rol oynadığını qeyd etdi. Rəcəbov, cəmiyyətin hər bir üzvünün müəllimlərə dəstək verməsi lazım olduğunu vurğuladı.
Tədbirin xüsusi qonaqları arasında Fatimə Məmmədli və digər gənc istedadlar da yer alıb. Fatimə Məmmədli, müasir təhsil sistemində gənc müəllimlərin və şagirdlərin daha aktiv iştirakını təbliğ edərək, onların inkişafı üçün vacib addımların atılması gərəkdiyini ifadə etdi. Fatimənin çıxışı iştirakçılarda böyük təəssürat yaratdı.
Gün ərzində keçirilən müxtəlif panel müzakirələri, təhsil sahəsinin gələcəyi ilə bağlı fikir mübadiləsi və mədəniyyət nömrələri ilə zəngin olan bu tədbir, iştirakçıların təhsilə olan marağını artırdı və müəllimlərin dəyərini bir daha ortaya qoydu.
Tədbir boyunca iştirakçılar, müəllimlərə olan hörmətin və təhsil sahəsinə verilən dəstəyin vacibliyini bir daha vurğuladılar. Edu Forum, təhsil sahəsindəki mütəxəssislərin bir araya gəlməsini təmin edərək, gələcəkdə bu cür tədbirlərin davam etdirilməsini planlaşdırır.
Tədbir boyunca təqdim olunan çıxışlar, müsabiqələr və istedad nümayişləri təhsilin əhəmiyyətini bir daha nəzərə çarpdıraraq, cəmiyyətin müxtəlif təbəqələrindən olan iştirakçıların müəllimlərə olan hörmətini artırdı.
Edu Forum, təhsil sahəsindəki inkişafı dəstəkləməyə davam edəcək və müəllimlərimizin əməklərini layiqincə qiymətləndirməyi özünün başlıca məqsədi kimi görür.
Həsən Məmmədov
Paraqraf.com
