Araşdırmalar zamanı məlum olub ki, “Azərbaycan Vətən Müharibəsi Veteranları” İctimai Birliyinin sədri Füzuli Rzaquliyev, “Dədə Qorqud” Xeyriyyə Fondunun rəhbəri Eldar İsmayılov və “Sabitlik və İnkişaf Mərkəzi” İctimai Birliyinin sədri Rasim Məmmədov bu qanunsuz fəaliyyətlə məşğul olublar. Onlar polis əməkdaşları tərəfindən saxlanılıb.
Adıçəkilən şəxslərin rəhbərlik etdiyi təşkilatların ofislərinə baxış keçirilərkən 1500-dən çox saxta orden və medal, 421 ədəd vəsiqə, 60-dan artıq müxtəlif möhür, o cümlədən digər saxtalaşdırılmış rəsmi sənəd və atributlar aşkar edilərək maddi sübut kimi götürülüb.
Faktla bağlı Azərbaycan Respublikası Cinayət Məcəlləsinin müvafiq maddələri – rəsmi sənədlərin, dövlət təltiflərinin, möhürlərin, ştampların və blankların saxtalaşdırılması, hazırlanması, satılması və ya onlardan istifadə edilməsi üzrə cinayət işi başlanılıb.
F.Rzaquliyev, E.İsmayılov və R.Məmmədov barəsində istintaq tədbirləri davam etdirilir.
Paraqraf.com
