Bəzi özəl məktəb və universitetlərdə təhsil haqlarının artması maddi imkanı məhdud olan ailələr üçün ciddi çətinliklər yaradır. Nəticədə, tələbə adını qazanan bir çox gənc ali təhsil almaq imkanından məhrum olur.
Mövzu ilə bağlı Milli Məclisin deputatı Ceyhun Məmmədov Paraqraf.com-a açıqlamasında bildirib ki, məsələ cəmiyyət tərəfindən geniş müzakirə olunur:
“Təhsil haqlarının artırılmasının əsas səbəblərindən biri universitetlərin öz xərclərini ödəməkdə çətinlik çəkməsidir. Buna görə də ali məktəblər təhsil haqqını artırmağı vacib hesab edirlər. Lakin bu addımlar mütləq Nazirlər Kabinetinin qərarına əsasən atılmalı, istənilən universitet istənilən vaxt özbaşına qiymət artımı etməməlidir.
Digər tərəfdən, vətəndaşların da müəyyən məsuliyyətləri var. Onlar da təhsilə dəstək göstərməyə çalışmalıdırlar. Dövlətin qərarları və atdığı addımlar isə bu məsələdə xüsusi əhəmiyyət daşıyır. Təhsil haqlarının yüksək olması cəmiyyətdə birmənalı qarşılanmır”.
Kəmalə Vəliyeva
Paraqraf.com
