İlham Əliyev: Bakı və İrəvan qarşılıqlı ticarətin həcminin artırılması üzərində işləyir

Azərbaycan Ermənistanla birgə qarşılıqlı ticarətin həcminin artırılması üzərində işləyir.

Paraqraf.com xəbər verir ki, bu barədə Azərbaycan Prezidenti İlham Əliyev “ŞƏT plyus” görüşündə çıxış edərkən bildirib.

“Ermənistanla birgə qarşılıqlı ticarətin həcminin artırılması, onun nomenklaturasının genişləndirilməsi və yeni yerüstü nəqliyyat kommunikasiyalarının yaradılması üzərində işləyirik”, – İ. Əliyev deyib.

Prezident qeyd edib ki, Azərbaycan artıq Ermənistana neft məhsulları tədarük edir və üçüncü ölkələrin yüklərinin tranzitini təmin edir.

Onun sözlərinə görə, Azərbaycan və Ermənistan sülh sazişinin mətnini paraflayaraq 30 ildən çox davam edən münaqişəyə son qoyub.

“Bununla da çoxillik münaqişələr zonası olmuş Cənubi Qafqaz regionu sülh zonasına çevrilir. BMT Təhlükəsizlik Şurasının 1993-cü ildə qəbul etdiyi dörd qətnamə 30 ildən sonra, üç il əvvəl icra edildi”, – dövlət başçısı qeyd edib.

 

Paraqraf.com