Bəsrədə tankerin PUA zərbəsinə məruz qalmasından sonra İraqda neftin yüklənməsi dayandırılıb

Bəsrədə iyulun 16-sı pilotsuz uçuş aparatının (PUA) neft tankerinə çırpılmasından sonra bütün İraq terminallarında xam neftin yüklənməsi dayandırılıb.

Paraqraf.com xəbər verir ki, bu barədə “Reuters” mənbələrə istinadən məlumat yayıb.

Mövcud məlumatlara görə, PUA zərbəsi zərər vurmayıb və yanğına səbəb olmayıb.

Neft tankeri ehtiyat tədbiri olaraq limanın hüdudlarından kənara, lövbərdə dayanan digər tankerin yanına yedəyə alınıb.

İraqın neft terminalları ölkənin cənubunda yerləşir. PUA-nı kimin buraxdığı hələ ki məlum deyil.

 

Paraqraf.com