DÇ-2026: Qana Panama ilə qarşılaşıb, “Turan Tovuz”un futbolçusu ehtiyatda qalıb

Futbol üzrə dünya çempionatında Qana Panama millisi ilə qarşılaşıb.

Paraqraf.com-un məlumatına görə, Toronto stadionunda keçirilən L qrupunun I turunun matçında afrikalılar qələbə qazanıblar – 1:0.

Qolu 90+5-ci dəqiqədə Kaleb Yirenki vurub.

“Turan Tovuz”un heyətində çıxış edən Panama yığmasının üzvü Roderik Miller bu matçda ehtiyatda qalıb.

34 yaşlı futbolçu Azərbaycan Premyer Liqasında oynayaraq dünya çempionatına dəvət alan ilk futbolçu kimi tarixə düşüb.

Qeyd edək ki, L qrupunun digər oyununda İngiltərə Xorvatiya seçməsinə 4:2 hesabı ilə qalib gəlib.

 

Paraqraf.com