Bakıda “Üzgüçülük hamı üçün” layihəsinin final mərhələsinin açılış mərasimi olub

Türk Dövlətləri Təşkilatına üzv və müşahidəçi dövlətlərin iştirakçıları ilə Bakıda keçirilən “Üzgüçülük hamı üçün” layihəsinin final mərhələsinin açılış mərasimi olub.

Paraqraf.com xəbər verir ki, Bakı Su İdmanı Sarayında baş tutan tədbirdə gənclər və idman naziri Fərid Qayıbov, Azərbaycan Üzgüçülük Federasiyasının prezidenti Zaur Əliyev və digər rəsmi şəxslər iştirak ediblər.

F.Qayıbov çıxış edərək yarışa qatılan idmançılara uğurlar arzulayıb. O, turnirin üzgüçülük idman növünün təbliğində vacib rol oynadığını söyləyib.

Z.Əliyev də bu yarışın ölkə üçün əhəmiyyətini vurğulayıb. Federasiya prezidenti final mərhələsində iştirak edən idmançılara uğurlar arzulayıb.

Qeyd edək ki “Üzgüçülük hamı üçün” layihəsinin final mərhələsinə iyunun 5-də yekun vurulacaq.

 

Paraqraf.com